මායා ස්වප්නයක
පුංචි සුරඟන අන්දරයක
නෙක පාට මල් අතර
මා සිටියා සුවදැති සුදු මලක් වෙලා
අහිංසක පුංචි සුදු මල
බඹරු එහෙම කිව්වා
බාඳුරා, ලියතඹරා හා කිණිහිරියා
පාට පාට මල් සැණකෙළියක්
උන් එහි සිත් සේ සැරි සරනවා
සුදු මල් පෙතිවලට
පාට තවරන්නට හැකිය
සවන් අග රැඳුනා.......
හමන සුළගට සිදී මියයන
පාද ස්පර්ශයෙන්
අවසන් ගමන් යන්නට
මල් වලට තව පාට තවරන
පුදුම සිහිනය...............
නොකිලිටි පුදසුනක
සුවද සුදු මලක් වෙන
පැතුම විතරක් ඇති
පාට නැතුවට
සුදු මල් පෙති වලට.
