LIFE

I'm not even upset
Hurt or angry anymore
I'm just tired
I'm tired of putting in
more effort than I receive.
I'm tired of holding up for nothing
I'm tired of believing you
I'm tired of you providing
me wrong every time.
I'm tired of getting
my hopes up and being
disappointed again.

වසන්තය

සීතල සුළං දසත පැතිරෙන
වසන්තය යලිත් ඇවිත්
පිණි ඇහැරුණ රාත්‍රියක
කුසුමක් ව විකසිත
සිනිඳු පෙති විදා
තටු සිඳුණු බඹරෙකුට
රොන් ගන්න

තව සමුනොදුන් සිහිනයක්

අඳුරු කළු වළා අතර සිරවී
ඉකි ගසන වැහි කඳුළු දෙගොඩ තලා
දොර ගලන  මතක සුවඳ
උනුහුමට තුරුළු වී
සීතලම වස්සාන රාත්‍රියක
දුර ඈත දිගන්තයේ
තව සමුනොදුන් සිහිනයක් නිදන
හුදකළා සුසානය
සැතපෙන්න මට.

පුංචි සුදු මල

මායා ස්වප්නයක

පුංචි සුරඟන අන්දරයක

නෙක පාට මල් අතර        

මා සිටියා සුවදැති සුදු මලක් වෙලා

අහිංසක පුංචි සුදු මල

බඹරු එහෙම කිව්වා

බාඳුරා, ලියතඹරා හා කිණිහිරියා    

පාට පාට මල් සැණකෙළියක්

උන් එහි සිත් සේ සැරි සරනවා

සුදු මල් පෙතිවලට

පාට තවරන්නට හැකිය

සවන් අග රැඳුනා.......

හමන සුළගට සිදී මියයන

පාද ස්පර්ශයෙන්

අවසන් ගමන් යන්නට

මල් වලට තව පාට තවරන

පුදුම සිහිනය...............

නොකිලිටි පුදසුනක

සුවද සුදු මලක් වෙන

පැතුම විතරක් ඇති

පාට නැතුවට  

සුදු මල් පෙති වලට.

එක්ටැම් ගෙය

එක්ටැම් ගෙය විමනක් වන්නේ 
මඩ පිරුණ ගැඹුරු දිය
ඊටත් වඩා බියකරු නිසා
දුක සේ සිතන සියල්ල
සාපේක්ෂව අම මී ලෙසට
ගිනිය හැකිය
ජීවිතය යථාර්තයෙන් බැහැරව 
හැසිරවිය නොහැකිය
අග සිට මුලට පොදු වචනාර්ථ
සමූහයක් උවද
ඒලෙස ලගූ කල නොහැක  

ලොව සසලන මහා පෞරුෂ
රහසේ සසලවන    
පොදු ලෙස ගැනෙන   
දිවි මග නියතවම
හැරවුම් ලක්ෂ්‍යක් වන  
ප්‍රේමය මනෝ මූලිකය
සැබෑ පෙම්වතුන්
සොඳුරු විප්ලවවාදීන්ය
මමත්වය පරදන ඔවුන් අතලොස්ස
කටුකත්වයෙන් ඔබ්බට වන 
මිහිරි සන්හින්දියාවේ
ස්පර්ශය ලබනු ඇත.

අභිනිශ්ක්‍රමනය

දැක සතර පෙරනිමිති
අභිනිශ්ක්‍රමනයට හිත ඇති 
පුර හඳ පායපු
ඇසළ මහේ මහ රැයක

ඛණ්ටක අසු ආවේ නැති
පිරු පෙරුම් නැති
නෙරන්ජනාවෙන් එතර වෙලා
නිවන් මග සොයා යන
නොතිර යාත්‍රාව

දුෂ්කර ක්‍රියාව නිමක් නැති
පස්වග මහනුන් සිටියේ නැති
සුජාතාව ආවෙ නැති
මග ඵල  ලැබුනේ නැති
ප්‍රේමයේ අනත් භාවනාව

කැකුළු මල් පෙති

සිනිදු සුසු මුදු
කැකුළු මල් පෙති
මද පවන සිප
නැළවෙන මියුලැසි

රුදු බඹර තුඩගක
අම මී රස දහර
රැඳී මියුරු සරය
මායා සිහිනයක
මුලා වී  විඳිනු රිසි

තටු සිඳෙන තුරු
අනත් දිගු මාවතේ
තුරු මුදුන් සිසාරා
නොයත් උන් තවත්
මල් සුවඳ මත්තේ